Mine would be having these people as friends.
Sino sila? Let me introduce you.
Simple lang naman e…
Kampante ka pag sila ang kasama mo. Hindi mo kailangan manimbang, hindi mo kailangan mag-ingat sa mga masasabi mo. Alam mo ring walang masamang mangyayari, safe na safe ang feeling, at kung may di inaasahang kaganapan, alam mong aalagaan ka nila.
Lagi mo silang maaasahan, nandyan sila parati. Ilang beses mo mang hingin ang tulong nila ay hindi ka mabibigo.
Nire-respeto rin nila ang pribado mong buhay. Hindi nila tinatanong ang mga bagay na alam nilang dapat ay sa’yo lang. Pero kung ibabahagi mo sa kanila ang iyong mga sikreto, makakaasa kang pag-iingatan nila ang mga ito.
Malayo man kayo, hindi nababawasan ang pag-aalala n’yo sa kapakanan ng isa’t isa
Tanggap nila ang iyong mga kahinaan at pinupunan ito sa kanilang sariling paraan. Hindi rin sila nasisilaw sa iyong mga kakayahan, at tinutulungan ka pang pagyamanin ito.
Higit sa lahat, alam mong hindi kumpleto ang buhay kapag wala ang mga kaibigan mong ito. Ang mga kasiyahan at pagsubok mo, gusto mong ibahagi sa kanila, dahil karugtong na sila ng iyong pagkatao.
Dahil sa kanila, may ipag-papasalamat ka sa araw-araw.
Hay… Kaya naman if there’s one thing I wish for every person I know, it is that they find true friends like I have found mine.
And finally realize that they are truly blessed.
No comments:
Post a Comment